الفكرة؟
OPPO من الشركات اللي كتحاول دائما تخلق تجربة جديدة فكل فئة سعرية، وهادشي اللي خلاني نخدم معهم بكل حماس. سواء فـ Reno 13 Series ولا A5 Pro، الهدف ديالي كان بسيط: نوصل التكنولوجيا ديال OPPO بطريقة مفهومة، واقعية، وممتعة للناس.
واش فعلاً مقاوم للماء والسقوط؟ واش فعلا هواتف تصبر معك لسنوات؟ الفيديوهات ديالي ماشي مراجعات كلاسيكية، ولكن تجارب حقيقية باش اللي كيتفرج يحس براسو هو لي كيجرب ماشي انا.
طريقة العمل
الفيديوهات اللي خدمت عليهم مع OPPO ماكانوش تصوير عادي فاستوديو وصافي… حيث بزاف من الهواتف ديالهم كيتميزو بالصلابة ومقاومة الماء والغبار، خاصهم تجارب حقيقية فالميدان.
قبل التصوير، كنوجد السيناريو واللقطات اللي غادي توصل للمشاهد أقوى ميزات الهاتف. من بعد كنمشي نصور خارج الاستوديو، و حتى فبلايص فيها تراب، ورطوبة… باش نحاكي المواقف اللي ممكن يطيح فيها الهاتف فالحياة اليومية.
درت Drop Tests من ارتفاعات مختلفة، صورت تحت المطر، جربت الهاتف وسط الغبرة… التصوير كندير فيه زوايا كتخلي المشاهد يحس بلقطة وكأنه هو لي معايا.
“التصوير الحقيقي ماشي فالكاميرا و المعدات… التصوير كاين فطريقة التفكير و الإبداع لي ورا كل لقطة”
رضا اعوين
صانع محتوى وخبير تقني
الفيديوهات
خدمت على مجموعة من الفيديوهات اللي كتهدف توصل تجربة حقيقية وممتعة مع هواتف OPPO. فكل فيديو، كنركز على التفاصيل اللي كتهم المستخدم، سواء الشكل، الكاميرا، الأداء، ولا حتى الحوايج اللي ما كيبانوش فالإعلانات. حاولت نبسط المعلومة ونوصلها بطريقة خفيفة ومفهومة، بلا تعقيد ولا مبالغة.
مع هواتف بحال Reno 13F 5G و Reno 13 5G، خدمت بزوايا فنية، وضوء نقي، وموسيقى خفيفة باش نعطي إحساس ديال الراحة والاحترافية. الفيديوهات كانت مركزة على الشكل الأنيق، الكاميرا الذكية، وطريقة الاستخدام اليومية.
وبالنسبة لـ A5 Pro، التجربة كانت ميدانية 100%. صورتو فالماء، فالغبرة، درت ليه Drop Test، وجربتو فظروف قاسية بزاف. الهدف كان نبين للمشاهد أن هاد الهاتف فعلاً “دبابة” وكيقدر يتحمل بزاف ديال الحوايج اللي يمكن يتعرض ليها أي واحد فحياتو اليومية.
