منين شفت Redmi Note 14S، شدني بزاف حيت فيه مواصفات زوينة بحال كاميرا 200MP، شاشة AMOLED 120Hz، وبطارية 5000mAh. قلت علاش ما نشاركش مع المتتبعين ديالي فيديو قصير كيورّي هاد القوة ديال الهاتف بطريقة مختلفة واحترافية.

كنت باغي نوصل للناس شنو كيدير هاد الهاتف في عالم الواقع، ماشي غير مواصفات مكتوبة… ولكن بلقطات تحبس الأنفاس، كلها حركة وتشويق.

ماشي غير صورت… خدمت سيناريو صغير، فيه لمسة خفيفة، طريفة، وبعيدة على الطريقة الجافة اللي كيبانو بها الهواتف في الإعلانات.

خدمت اللقطات داخل الاستوديو، ولكن زايد عليهم مشاهد فالزنقة، وحتى وأنا كانجرب الكاميرا فظروف عادية.

استعملت Slow Motion باش نعطي الإحساس الحقيقي للجودة، والألوان، والتفاصيل. ركزت بزاف على التجربة اليومية: كيفاش غادي تصور، كيفاش غادي تلعب، كيفاش غادي تخدم، بلا ما نغرقو فالمصطلحات التقنية.