الفكرة؟
منين شفت Realme C75، شدني بزاف حيت فيه مواصفات زوينة بحال مقاوم للماء بمعيار IP69 وكيتحمل الصدمات بفضل الحماية العسكرية ديالو. وقلت علاش ما نشاركش مع المتتبعين ديالي فيديو قصير كيورّي هاد القوة ديال الهاتف بطريقة مختلفة واحترافية.
كنت باغي نوصل للناس شنو كيدير هاد الهاتف في عالم الواقع، ماشي غير مواصفات مكتوبة… ولكن بلقطات تحبس الأنفاس، كلها حركة وتشويق.
طريقة العمل
خدمت سيناريو بسيط ولكن فيه لمسة ديال التشويق، فيه لقطات في الستوديو باش نورّي التصميم، ولقطات فالزنقة باش نورّي واش الهاتف فعلاً كيتحمل الماء والطّيحات.
صورت بكل العتاد اللي عندي: كاميرا Sony A7 III، إضاءة احترافية، ومايكروفون خارجي باش الصوت يكون نقي. درت تجارب واقعية: طيّحت الهاتف، وصورتو كيدوز من الماء، وحتى لقطات Slow Motion باش نعطي الفيديو واحد الشكل الإبداعي.
كان الهدف هو فيديو قصير، سريع، و يشد الانتباه من الاول.
“كل لقطة تحمل فكرة… وكل فكرة كتولي واقع منين كتخدم عليها بنيّة الإبداع.”
رضا اعوين
صانع محتوى وخبير تقني
الفيديوهات
صورت مجموعة ديال الفيديوهات اللي الهدف منها هو نوصل تجربة حقيقية وقريبة للمشاهد مع هاتف Realme C75. كنت كنحاول نبين كيفاش هاد الهاتف ماشي غير “مواصفات على الورق”، ولكن جهاز كيواجه التحديات اليومية بلا خوف.
ركزت فالفيديو على الحوايج اللي كيهمو الناس بزاف: المتانة، التصميم، و الاستخدام تحت الماء. استعملت Slow Motion باش نعطي جمالية للقطات ديال الماء والسقوط، واخترت زوايا تصوير فنية اضاءة مزيانة باش تبان التفاصيل بوضوح.
التصوير كان مزيج ما بين مشاهد في الستوديو ولقطات ميدانية، جربت فيها مقاومة الهاتف للماء بمعيار IP69، ودرت ليه Drop Test فظروف مختلفة. الهدف كان نوصل رسالة بسيطة: هاد الهاتف فعلاً قوي، ومصنوع باش يعيش معاك فالحياة اليومية بكل تحدياتها.
